NUITSBREEF Fibberwari 2011

Zate Hermenie Blamaasj Mestreech 2x11 Jaor 1988-2010
NUITSBREEF Fibberwari 2011
Inhaaid:
-
-
vaan ’t bestuur.
Vacature bestuur
Zjubileikemissie
Aofgelaope activiteite
Gecancelde optreijes
ZHK Heugem
vastelaovendskallepin
Wis geer dat?
Vaan “t Bestuur
Béste leie,
’t is weer ‘nne haop informatie mer wel belangriek dat geer alles good lees zoedat g’r
wét wat de kaomende activiteite vaan Blamaasj zien.
Vacature Bestuur
Jos heet aongegeve dat heer ziech vaanwege ziene drökke kallepin wélt bedaanke es
bestuurslid.
De bestuurstermijn vaan Alex en Danny löp dit jaor aof, zie höbbe te kinne gegeve
ziech neet mie herkeesbaar te stélle veur ’t bestuur.
Dat beteikend dat 3 nui bestuursplaote vrij kaome.
Hób geer intresse um’t bestuur te kaome verstérke?
Geer kint eur belangstelling kinbaar make of eure sollicitatiebreef sjrieve nao
[email protected] 
Op de A.L.V. zalle de nui bestuursleie weure gekoze
Zjubileikemissie.
Eus Zjubileikemissie heet nao ’t zjubileifies neet stél gezete, zoe höbbe zie mét
vastelaovend nog ’n aontal verrassinge veur eus in petto.
Zie höbbe naomes Blamaasj op de Zate Hermeniekes Vergadering, sjeutelkes kies
mét weurs aongebooije aon alle aonwezige zate hermeniekes
Ouch is naomes Blamaasj ‘n schélderij mét daorop eus eiege liefleed “Sex beer en
friete” euverhandig aon de nuie hoeglöstegheid.
Ouch höbbe zie ivm ’t project “hawwe zoe” (um ’t beer in ’t glaas te behawwe) same
mét de aander zate hermeniekes vaan de Belsj ‘nne glaasbak geadopteerd.
De Zjubileikemissie zal de ALV extra "aonkleije" dit jaor. Zie geve e rundsje (of
messjiens wel mie) tijdens de ALV op 12 miert.
Ouch höbbe zie nne gooie band geregeld, zoedat v’r nao aoflaop vaan de ALV eus
Zjubileijaor in stijl kinne aofslete. Zoe blieve v’r dus nog steeds viere dat v’r 22 jaor
bestoon!!!
AOFGELOUPE ACTIVITEITE
De aofgelaope gezamelijke rippetisie same mét de aander zate hermeniekes waors ’n
hiel groet succes “v’r speule wél hiel hel en mét zien 4, nog héller es de res” !’n
oerverdouvend lewei dat tot wiet in de weie umtrek te huure waors GEWELDIG.
Ouch ’t oetrope vaan de nuie Hoeglöstegheid oppe mérret waors gezellig te neume,
in de cortége en veur de Struys höbbe v’r nao behuure gespäölt. De rippetisie olv
Wim heet al gétt vaan zien vruchte aofgeworpe.
Daogs nao ’t oetrope vaan de nuie hoeglöstegheid steit de ZH Vergadering op de
kallepin.Hei weurd ’t nómmer getrokke veur ’t zate hermeiekeskonkoer oppe vriethof
op vastelaovendsdinsdag.
Theo heet veur Blamaasj nómmer 10 getrokke, wat beteikend dat v’r op
vastelaovendsmaondag vreug nao bed motte um 's dinsdagmörreges vreug weer fit
aon ’t prestieuse koenkoer te kinne métdoen!
GECANCELDE OPTREIJES
Door te wienig animo en opgaaf, is ’t besuur genoedzaak gewees ’n aontal optreijes
te cancelle.
Zoe geit ’t optreije vaan zoondag20 fibberwarie bei de Sjraveleirs in Hier neet door.
Ouch ’t optreije in Sjummert kin neet plaotvinde.
“t Bestuur vind ’t jaommer dat v’r dees käös höbbe motte make
Gelökkig kinne v’r uuch wel métdeile dat v’r op Zoondagmiddag 27 fibberwari mét
goon doen aon ’t zate hermenkieskonkoer in Heugem
ZATE HERMENIEKES KONKOER HEUGEM
Op zoondagmiddag 27 fibberwarie doen veer mét aon ’t ZH koenkoer in Heugem.
Veer verwachtte uuch verkleijd en mét medaille um 14:11 oor in de klaekeburg in
Heugem
Netuurlik mét instremint want ’t is dao de bedoeling dat v’r op de bühne e stökske
meziek goon speule.
Daot uuch neet te wérm aon want ’t is binne, dus ouch gesjik veur de kleinste
oonder eus
V’r goon eus dao ins good prippere op de vastelaovend dee e week later losbars.
Zeet geer verhinderd meld uuch daan eve aof.
De nuie hoeglöstegheid is weer oetgerope dat beteikent (zoe wie de mieste vaan
uuch weite) dat eus sjoen nui veendel bei eeder optreije weer mét geit, en dat v’r tot
asselegoonsdag ouch weer euveral verkleijd nao towgoon.
Veer verwachte dat geer daorbij ouch gruuts eure Blamaasj-zjubileimedaille draag.
VASTELAOVENDS KALLEPIN
Zoondag 6 Miert
12:33 oor verzamele bei kaffee de Belsj
18:00 oor ete bei Evita in Wieck veur de lui die ziech höbbe opgegeve
20:11oor verzamele bei de Bonne Femme
Maondag 7 Miert
18:00 oor Ete bei Minckeleers veur de lui die ziech höbbe opgegeve
20:11 oor verzamele bei de Bonne Femme
Um 11:11oor is in de Au Mouton Blanc de stumpkeszitting veur de lui die dat wélle
Denao loere nao de keendercortége bei de Struyss
Dinsdag 8 Miert
12:11oor verzamele bei kaffee de Belsj veur ’t Zate Hermenieks Konkoer
18:00 oor Ete bei De Grieks veur de lui die ziech höbbe opgegeve
20:11 oor verzamele bei de Bonne Femme
00:11 oor Vriethof veur ’t aoflaote vaan ’t Mooswief en ’t ind vaan de vastelaovend
Zaoterdag 12 Miert
Tradiesie getrow Algemeine leie vergadering Blamaasj um 20:00 in kaffee de Belsj.
Kallepin heieuver volg nao de vastelaovend.
Nao aoflaop is d’r door de Zjubilei kemissie ‘nne hiele gooie cover band geregeld.
Gein Blamaasj activiteit mer wel hiel leuk um nao tow te goon
Vriedag 11 fibberwarie 2011:
Kaffee de Zeuten Inval in de Maastricht Music Hall (veurmaolege Platte Zaol) aon de
Green, um 13.00 oor en um 20.00 oor.
Zaoterdag 12 fibberwarie 2011:
Kaffee de Zeuten Inval in de Maastricht Music Hall (veurmaolege Platte Zaol) aon de
Green, um 20.00 oor.
Zaoterdag 19 fibberwarie 2011:
Gala Prinsebal in Hotel Crowne Plaza Maastricht um 20.11 oor.
Zaoterdag 26 fibberwarie 2011
Groet Mestreechs Verkleijdersfies: “De Nostallegasie” in de Maastricht Music Hall
(veurmaolege Platte Zaol) aon de Green, um 20.11 oor.
Vriedag 4 Miert 2011
Tradisioneel indreenke Blamaasj vastelaovend 20:11oor bei kaffee ‘t pothuiske
Zaoterdag 5 miert 2011:
Inhole Prins Carnaval
Fiesteleke oontvangs op de statie vaan Mestreech um 13.11 oor
Cortège nao ‘t Stadhoes op de Merret um 13.55 oor
Machseuverdrach in ‘t Stadhoes um 15.11 oor
Zoondag 6 miert 2011:
Prizzentatie Kachelpiepers en oethaange vaan de veendel aon ‘t Prinselek Pelies um
10.33 oor.
Insjete vastelaovend en optrèkke vaan ‘t Mooswief op de Vriethof um 12.11 oor.
Wis geer dat………..
- Theo de pékskes vaan sommige lui zoe sjoen vind dat heer same mét Elly ouch
eint wélt make.
- Veer Theo kinne héllepe door e pekske te liene of door eint te neije
- Veer dit alles doen oonder ’t motto “help Theo de vastelaovend door”
- Patrick D um 04:11 oor is opgestaande um ziech te smeencke
- Heer daordoor met prins inhole zoe meuij waor dat heer roei wange had.
- De Zjubileikemissie ‘nne band heet geregeld veur nao de ALV.
- Zie al nao dee band zien goon loere en de band erg good waors.
- Geer dus mot zörrege dat geer debei zeet
- G’r es geer e vreemp glaas in euse adoptiebak zuut stoon geer dit droet maag
hole en op de groond kepot maag goeie….
- Es veer dit doen v’r volgend jaor daan ech oet veize plastic bekers dreenke.
- Etienne op twie trompötte tegeliek kin bloze
- aander lui nog neet ins op ein kinne bloze
- De filmploog dee zow kaome félme met de gezamelike rippetisie verkierd zaot.
- Zie in laonake in Belsj zaote
- Zie eus dao toch nog hoorte speule umdat ’t zoe hél waors
- Natascha weer ’t ete heet geregeld
- Veer häör daor daankbaar veur zien
- Maurice toch mét geit grieke
- Maurice vlaoij bei ziech had umdat heet jaorig waors mét prins inhole
- De nuie hoeglöstegheid ouch Maurice hét
- ’t neet euze Maurice is
- iech niks mie weet en dit weer ’t ind is
Kompleminte
’t Bestuur
Mirthe, Jos, Ralph, Alex, en Danny